recent
أخبار ساخنة

لو عندك انترفيو قبل ما تروح اقرا المنشور دة وادعيلى

الانترفيو 

الانترفيو وكيف تجتاز الانترفيو ؟؟؟
الكثير من الناس يكون عندهم خوف من مقابلات العمل وبالاخص اذا كانت هذه الوظيفة فى شركة مشهورة 
خلينا متفقين فى نقتطين ان الارزاق بيد الله والنقطة التانيه ان الخوف ممكن يكون سببا فى فشلك 
خذ بالاسباب وتوكل على الله ولا تخشى من اى شيئ فرزقك مكتوب من قبل ان تولد 
واليك بعض النقاط التى قد تساعدك فى اجتياز اى انترفيو ببراعه 
1- اعمل بحث كويس عن الشركة اللى بتقدم عليها عشان تبقى مجهز نفسك لاى سؤال عنهم
2- جمع معلومات اكتر عن الوظيفة Job description وافهم كويس الوصف الوظيفى بتاعها وايه المطلوب منك ولو مش متاح اعمل بحث عنه اونلاين عشان تعرف تعرف المؤهلات المطلوبة وتقيم مستواك

3- حاول تعرف مين الشخص اللى هيقابلك Interviewer وممكن تسأل عليه عادى او تخش على موقع LinkedIn وتشوف موظفين الاتش ار فى الشركة وتدرسهم كويس وده هيكسر الرهبة والخوف عندك لانك عارف انت هتقابل مين وعندك معلومات مبدئية عنه
4- اعرف ايه اكتر الاسئلة الشائعة عشان تحضر ليها زى
- قدم نفسك
- وايه اهدفاك
- وليه نعينك انت؟
5- اتمرن على الاجابات دى كويس مع نفسك او قدام المرايا بالانجلش والعربى وده مش هيخليك متردد او مقلق وانت بتجاوب لانك اتمرنت كويس على الاجابات دى مع نفسك
6- متقولش كلام فى الهوا من غير اثبات, خلى عندك موقف/ تجربة تثبت بيها كل مهارة عندك او حتى انجاز عملته فى شغلك يثبت خبرتك السابقة
7- اوصل قبل ميعادك بربع ساعة عشان تبقى مستريح ومش قاعد متوتر انك اتأخرت ومهما اتاخر الانترفيو حاول تكون هادي و مش علي اعصابك جات اهلا وسهلا مجتش خسروا فنان مبدع (بصوت علاء مرسى في ميدو مشاكل)
8- حول المقابلة لمناقشة, جاوب على اسئلة ال HR وممكن تناقشه فيها وتوجهله كمان اسئلة
9- افتكر دايما ان زى ما هم بيقيموك, انت كمان بتقيم الشركة والوظيفة وده الغرض من المقابلة

google-playkhamsatmostaqltradent